Պաշտպանը քննարկել է հայկական մշակութային ժառանգության պահպանման վերաբերյալ հարցեր

25 ՀՈՒՆԻՍ 2021, Հաղորդագրություններ

Մարդու իրավունքների պաշտպանը հունիսի 24-ին ընդունել է Արվեստի պատմության և արվեստի սոցիոլոգիայի դոկտոր Ալեն Նավարա-Նավասարդյանին և Լիոնի Կաթոլիկ համալսարանի հայագիտության ամբիոնի վարիչ, փիլիսոփայական գիտությունների դոկտոր Մաքսիմ Եվադյանին։

Հանդիպման ընթացքում քննարկվել են ադրբեջանական օկուպացիայի տակ գտնվող տարածքներում հայկական մշակութային ժառանգության պահպանման վերաբերյալ միջազգային իրազեկվածության բարձրացման և մշակութային արժեքների պահպանությամբ զբաղվող կազմակերպությունների և անհատների ջանքերը համակարգելու ուղղությամբ աշխատանքները։