Գեղամ Ստեփանյանը ելույթ է ունեցել Կանադայի Համայնքների պալատի արտաքին հարաբերությունների և միջազգային զարգացման մշտական հանձնաժողովի նիստին

Հունվարի 25-ին տեղի է ունեցել Կանադայի Համայնքների պալատի արտաքին հարաբերությունների և միջազգային զարգացման մշտական հանձնաժողովի կողմից հրավիրված նիստ` նվիրված Ադրբեջանի կողմից Արցախի շրջափակմանը:

Հանձնաժողովի հրավերով ՄԻՊ Գեղամ Ստեփանյանը նիստի ժամանակ որպես վկա ելույթ է ունեցել տեսակապով` հանձնաժողովի անդամներին փաստեր տրամադրելով Ադրբեջանի ցեղասպանական քաղաքականության հետևանքով Արցախում մարդասիրական ծանր հետևանքների վերաբերյալ:

Հանդիպման ընթացքում որպես վկաներ ելույթ են ունեցել նաև` Կանադայի Հայ դատի հանձնախմբի համանախագահ Շահեն Միրաքյանը, Թալին Փափազյանը (Փարիզի քաղաքական հետազոտությունների ինստիտուտի դասախոս), Ռոբերտ Ավետիսյանը (ԱՄՆ-ում և Կանադայում Արցախի Հանրապետության մշտական ներկայացուցիչ):

Հանդիպումը կազմակերպվել է Քվեբեկյան բլոկի կուսակցության անդամ Ստեֆան Բերգերոնի կողմից հանձնաժողովին ուղղված միջնորդության միաձայն ընդունումից հետո: